सूर म्हणतात साथ द्या, दिवा म्हणतो वात द्या आणि चिमुरड्यांना टाळ्यांची साथ द्या... तिर्थाचीवाडी येथे केंद्रस्तरीय सांस्कृतिक कार्यक्रम स्पर्धेचे आयोजन.
अकोले -
सूर म्हणतात साथ द्या,दिवा म्हणतो वात द्या,आमच्या चिमुरड्यांना आपल्या टाळ्यांची साथ द्या.अतिशय खेळीमेळीच्या वातावरणात जिल्हा परिषद प्राथमिक शाळा तिर्थाचीवाडी येथे केंद्रस्तरीय विविध गुणदर्शन व सांस्कृतिक स्पर्धा सन २०२४ या अंतर्गत विविध स्पर्धा घेण्यात आल्या.त्यामध्ये हस्ताक्षर,वक्तृत्व व वेशभूषा सादरीकरण किलबिल गट व बालगट गोष्ट सादरीकरण स्पर्धा बाल गटात घेण्यात आल्या.तसेच वैयक्तिक गीत,समूहगीत गायन आणि सांस्कृतिक स्पर्धा अंतर्गत बालगट आणि किलबिल गट यांच्या संयुक्तपणे स्पर्धा घेण्यात आल्या.
यावेळी केंद्रशाळा खिरविरे अंतर्गत येणाऱ्या खिरविरे,तिर्थाचीवाडी,कारवाडी,चोमदेवाडी,धारवाडी,मानमोडी,इदेवाडी,एकदरे,कारवाडी,जायनावाडी,चंदगिरीवाडी व बिताका यासारख्या अनेक शाळांनी येऊन या ठिकाणी अतिशय सुंदर अशा वातावरणामध्ये विविध गुणदर्शन व सांस्कृतिक स्पर्धा पार पडल्या.या स्पर्धेमध्ये मार्गदर्शक म्हणून खिरविरे बिटचे शिक्षण विस्तारआधिकारी संभाजी झावरे व तसेच खिरविरे केंद्राचे केंद्रप्रमुख विजय भांगरे यांच्या मार्गदर्शनाखाली अतिशय सुरळीतपणे आणि शांततामय वातावरणामध्ये स्पर्धा पार पडल्या.प्रथम द्वितीय व तृतीय क्रमांक पटकावलेला विद्यार्थ्यांना केंद्रप्रमुख व विस्तार अधिकारी यांच्या हस्ते प्रमाणपत्राचे वाटप करण्यात आले. यावेळी उपस्थित खिरविरे गावचे सरपंच गणपत डगळे,दादभाऊ बेनके,पालक वर्ग, व सर्व शाळेमधील शिक्षक शिक्षिका उपस्थित होते.