अकोले तालुक्यातील देवठाण येथील आढळा धरण गुरुवारी दुपारी 12 वाजता पूर्ण क्षमतेने भरले
आढळा धरण हे 1060 दलघफू क्षमता आहे. हे धरण चालू वर्षी जुलै च्या पहिल्या आठवड्यात भरत असल्याने शेतकरी बांधव प्रचंड खुश आहेत. रब्बी पिक व पिण्याचे पाण्याची व्यवस्था झाली आहे.अकोले तालुक्यातील देवठाण वीरगाव, हिवरगाव आंबरे, डोंगरगाव, पिंपळगाव निपाणी व गणोरे तसेच संगमनेर तालुक्यातील धांदरफळ, जवळेकडलग, पिंपळगाव कोंझिरा, वडगाव लांडगा, चिकणी, राजापूर, निमगाव भोजापूर व चिखली ही आठ गावे व सिन्नर तालुक्यातील चास, नळवाडी व कासारवाडी दोन गावे अशा या १६ गावांना शेतीसाठी याच आढळा धरणातून पाणी मिळते याशिवाय पाच गाव पाणीपुरवठा योजना असून या गावांना पिण्यासाठीही या धरणातून पाणी दिले जाते त्यामुळे आढळा धरण भरणे परिसराच्या दृष्टीने अत्यंत महत्त्वाचे व गरजेचे आहे. लाटांनी सांडव्याच्या बाहेर पाणी पडत असल्याने शेतकरी वर्गात समाधानाचे वातावरण पसरले आहे. लवकरच शासकीय जलपूजनाचा कार्यक्रम होणार आहे. अशी माहिती अकोले उपविभागीय जल अभियंता योगेश जोर्वेकर यांनी दिली आहे.